Umphathintambo wezabatsha lokuthuthukisa inotho yabensundu uMnu. Saviour Kasukuwere uthi uhulumende uzavala amankampani abemazweni ase Zimbabwe angaba zinkulungwane phose ezilitshumi angakaniki uhulumende isimo sawo sabantu abala mashares kulawo mankampani.
U Kasukuwere utshele amaphephandaba ukuthi amankampani anjenge De Beers Zimbabwe, Triangle Private Limited, Innscor Private Limited, Zim Alloys lamanye alenotho ephezulu akhanya engasekeli uhlelo lwe Indigenization ngakho-ke uhulumende uzawathathela ama licence okusebenza.
Amankampani la bekumele ukuthi ase isimo sawo samashares kugatsha luka Kasukuwere ekupheleni kuka Nhlangula. Umnu. Sabelo Ndlovu Gatsheni ingcwethi ecubungula ezombusazwe utshele iStudio 7 ukuthi uhulumende ulakho ukuvala amankampani la njengoba ibandla le Zanu PF livele lifuna ukuthatha amafekithali abamhlophe.