Ingcwethi kwezomnotho welizwe labalwela ilungelo lezisebenzi bathi inyathelo elithethwe nguhulumende elokuthi impahla ezake zagqokwa zingasangeni elizweni ukuzothengiswa lizakwengezelela ubuyanga osebubhahile ngoba inengi labantu sebephila ngokuthengisa lezimpahla.
Umphathintambo wezemali, uMnu. Patrick Chinamasa esethula amazwe akhe awesimo somnotho welizwe ngoLwesine, uthe inani lezisebenzi zikahulumende lizakwehliswa ngesilinganiso sokungamatshumi amane ekhulwini-40%, njengendlela yokwehlisa indleko zokubhadala iholo lezisebenzi elithatha ingxenye enkulu yenzuzo zikahlumende.
UChris Gande weStudio Seven uxoxe lonobhala jikelele wenhlanganiso ebona ngelungelo lezisebenzi eye Zimbabwe Congress of Trade Unions, uMnu. Japhet Moyo ngaloludaba.