amalinks wokungena

Uhulumende we Bhilithane Unika EleZimbabwe i$55 Million Yokugebha Lokulungisa Imigodi Yamanzi

  • Gibbs Dube

Uhulumende weBhilithane usenike ele Zimbabwe izigidi ezedlula amatshumi amahlanu amadollar eMelika – $55 million yokugebha lokulungisa imigodi yamanzi lokwakha izambuzi emaphandleni.

Umnu. Samuel Sipepa Nkomo umphathintambo wogatsha lwezamanzi utshele iStudio 7 ngoLwesibili ukuthi uhlelo lolu luzaphawulwa okusemthethweni ngoLwesithathu eTsholotsho yinhloko kahulumende uMnu. Morgan Tsvangirai.

Umnu. Nkomo uthe kuzagejwa njalo kulungiswe imigodi yamanzi kwele mandebeleni, eNkabazwe, eMasvingo lakwezinye indawo zelizwe.

Uthe loba nje uhlelo lolu lungasoze lwenziwe kwezinye izabelo, kukhangelelwe ukuthi luzanceda kakhulu abantu makhaza.

Uphinde wathi kukhangelelwe ukuthi kuzakwakhiwa izambuzi eziyinkulungwane ezingamatshumi amahlanu – 15,000 ezikolo.

Eyinye njalo imali le izasetshenziswa ukufundisa labo abazabe belungisa imigodi nxa ingasaphumi amanzi.

XS
SM
MD
LG