amalinks wokungena

Breaking News

Uhulumende we Zimbabwe Uthengisela Umnu. Obert Mpofu Ibhanga Le ZABG


Umphathintambo wogatsha lwezemali uMnu. Tendai Biti uthi uhulumende sethengisele uMnu. Obert Mpofu umphathintambo wezemigodi ibhanga le Zimbabwe Allied Banking Group (ZABG) ekade lisehluleka ukubuthanisa imali efunwa libhanga elikhulu lelizwe ele Reserve Bank of Zimbabwe (RBZ).

UBiti utshele iStudio 7 ukuthi uMnu. Mpofu ukhangelelwe ukuthi avuselele ibhanga leli akade sokumele lidilike ngenxa yokwehluleka ukubuthanisa izigidi ezedlula ezilitshumi zamadollar eMelika efunwa yiRBZ.

Uphinde wathi ugatsha lwakhe luzimisele ukunika inzalo ye Zimbabwe ama licence okuvula amabhanga kulokuthi iqambule amashares amabhanga emazweni kuhlelo lweIndigenization.

UMpofu ubikwa esebhadale izigidi ezilitshumi zamadollar eMelika yokuthenga ibhanga leli njalo wafaka lesakhiwo sakhe i-York House njengempahla alayo yesibambiso.

Iziphathamandla zebhanga le RBZ kanye lamalunga eboard yebhanga leli bathi uMnu. Mpofu usevunyelwe ngempela ukuthi athenge ibhanga leZABG loba nje lokhu kuvusa inkophe zikazulu.

Ingcwethi kwezenotho uMnu. Masimba Kuchera uthi kuyamangalisa ukuthi uMnu. Mpofu uyithethe ngaphi imali enengi kangaka yokuthenga ibhanga.

XS
SM
MD
LG