amalinks wokungena

Breaking News

'Uhulumende Wephule Isisekelo Sombuso Ekukhetheni Amalunga eHuman Rights Commission'


Uhulumende wephule isisekelo sombuso ngokufaka amalunga esifazana amathathu kuphela kukomishini ebona ngokulondolozwa kwelungelo loluntu, iZimbabwe Human Rights Commission, kutsho inhlanganiso ecubungula ezemithetho, iVeritas.

Isisekelo sombuso sithi phakathi kwamalunga ekomishini le ayithobamunwe munye, amane awo kumele abe ngawesifazana. Kodwa uMongameli Robert Mugabe ufungise abesifazana abathathu kuphela kumaviki amabili edluleyo lamalunga amahlanu awesilisa.

Ngalokhu, iVeritas ithi uhulumende kumele alungisise lolu daba. Ikomidi yedale lephalamende eyiyo ephume lamabizo asiwe kuMugabe ukuthi akhethe amalunga ekomishini le, ithi yahambisa amabizo abesifazana amanengi njalo ithi iyamangala ukuthi kungani efungise abesifazana abathathu kuphela.

Umlawuli wedale lephalamende uMnu Lovemore Moyo utshele uNtungamili Nkomo weStudio 7 ukuthi okwenzakeleyo yikuthi uMugabe wafaka ibizo lomunye owesilisa ecabanga ukuthi ngelowesifazana. Kodwa uthi udaba lolu luzalungisiswa ngokuphangisa.

Okuhambelana lalokhu

‚Äč
XS
SM
MD
LG