amalinks wokungena

Breaking News

Uhulumende oweSouth Africa Usungula Uhlelo lweOperation Fiela II


Ekusungulweni kohlelo lweOperation Fiela II kwele South Africa

Uhulumende wakweleSouth Africa usungule uhlelo lwe Operation Fiela II, ngoLwesibili. Lolu luhlelo olujonge ukuthanyela izigebenga ezisemphakathini. Abakwamanye amazweke bona bathi bakhathazekile ngokuthi uhlelo olufanayo ngo 2015 lwagcina selungolokuzingela abangelancwadi zokuba selizweni ngokusemthethweni.

Ekusungulweni kohlelo lweOperation Fiela II kwele South Africa
Ekusungulweni kohlelo lweOperation Fiela II kwele South Africa

Ekhuluma emkhosini wokwethula loluhlelo eJohanesburg, umphathintambo wogatsha lwezamapholisa umnumnzana Fikile Mbalula uthi, loluhlelo oluzaqhutshwa ngamaviyo wonke ezomvikela ehlangene luzangena kuzo zonke indawo zelizwe kuzingelwa izigangi.

Asilasikhathi sokudlalisa. Sesiqinisa umsebenzi wokulwisana lobugebenga.Kusukela lapha I Operation Fiela ii eyethulwe lidale labaphathintambo izaqala ngokupheleleyo.

Inengi lezizalwane zeZimbabwe lithi liyavumelana lemizamo yonke kahulumende eyokuqeda ubugebenga. Endaweni ezifana leHilbrow, Berea, Yeoville lapho okuhlala izizalwane zeZimbabwe ezinengi kubulawa abantu mihlayonke abanye bebanjwa inkunzi emini libalele. Isizalwane seZimbabwe umnumnzana Mlungisi Ndlovu uthi azibotshwe zonke izigebenga kungakhathakelile ukuthi zibuyakuliphi ilizwe.

Ekusungulweni kohlelo lweOperation Fiela II kwele South Africa
Ekusungulweni kohlelo lweOperation Fiela II kwele South Africa

Yona icrime yakhona is serious ezweni laseGoli. Inkulu kakhulu okokuthi iyasabisa ama stats akhona. And knowing ukuthi yenziwa ngabantu basekhaya yinto ebuhlungu kakhulu. So ngaleyo ndlela ngisithi asizameni ukulwa layo icrime sinxuseni lamapholisa ndawonye lesizwe saseSouth Africa ukuthi basincedise.

Ngo 2015 iSouth Africa yasungula uhlelo olufanayo ngemva kokuqhamuka kodlakela olwalubhekiswe kwabakwamanye amazwe. Kodwake kwabe lensolo ezivela kwabanye ababesithi kwacina sekuzingelwa abaselizweni ngokungekho emthethweni. Unobhala webandla le United Democracy Movement, umnumnzana Andrew Nyathi, uxwayisa uhulumende ukuthi angalahlekelwa zinhloso zaloluhlelo.

I Operation Fiela siyacela ukuthi okokuqala kungabi yindlela yokuhlukumeza abantu beZimbabwe abaphila ngomthetho ngendlela eqondileyo. Sicela ukuthi kubelokuhloniphana, abantu bahlonitshwe kusetshenzwe ngendlela eqondileyo.

Ekusungulweni kohlelo lweOperation Fiela II kwele South Africa
Ekusungulweni kohlelo lweOperation Fiela II kwele South Africa

Kantike umnumnzana Josphat Ncube uthi sekuyisikhathi sokuthi abakwamanye amazwe labo baziphathe nxa bengafuni ukuthanyelzwa kuloluhlelo.

Ebugebengeni lobu okuthiwa benziwa ngabantu baphandle hayi bona bukhona sibili ubugebenga angihambisani labo, Kumele ngabe labo abantu bayazinuka amakhwapha babuyeke ubugebengu.

Umnumnzana Mbalula uthi ngesikhathi kuqhutshwa loluhlelo kuzabe kuhlangene amapholisa, amasotsha, abogatsha lwendaba zasekhaya, ababona ngezemithelo lezinye ingatsha ezicubungula amacala atshiyeneyo.

Udaba lohlelo lweSouth Africa olweOperation Fiela siluphiwa nguBenedict Nhlapho
please wait

No media source currently available

0:00 0:02:46 0:00


Facebook Forum

XS
SM
MD
LG