Uhulumende useguqule iziqondiso zomthetho okhuthaza ukuthuthukisa abensundu owe indigenization ezethulwe ku government gazette ezitshengisela ukuthi uzulu kumele athenge amashares adlula amatshumi amahlanu kumankampani emazweni asebenzela elizweni.
Kuziqondiso ezesulweyo, abantu makhaza bekumele bathathe amashares kumankampani kungela mbhadalo.
Iziqondiso eziguquliweyo zithi amankampani alenotho edlula US$500 000 yiwo okumele athengisele uzulu amashares esebenza lamakomidi azakhangela ukuthi loluhlelo luqhutshwa kahle.
Umbiko we gazette uphinde wathi akusamelanga kube lenhlawulo yamankampani ezafakwa nguhulumende kungelamvumo yogatsha lwezemali oluphethwe nguMnu. Tendai Biti.
Umnu. Japhet Moyo umsekeli kasibalukhulu we Zimbabwe Congress of Trade Unions utshele uGibbs Dube we Studio 7 ukuthi lanxa iziqondiso eziguqulweyo sezethulwe nguhulumende lokhu akusoze kuvule amathuba emisebenzi elizweni.
