amalinks wokungena

Breaking News

Uhulumende Wethula Iziqondiso Ezintsha Zokwabelana Amashares Amankampani Emazweni


Uhulumende usethule iziqondiso ezintsha zokwabelana amashares amankampani ezemigodi akwamanye amazwe, enika amankampani la amalanga phose angamatshumi amahlanu ukuthi atshengise uhulumende ukuthi azakwabela njani uzulu amashares kuhlelo lwe indigenization.
Iziqondiso lezi zithi kumele amankampani la aqede ukwaba amashares kungakapheli inyanga eziyisithupha njalo intengo yawo izavunyelwana phakathi kukahulumende lamankampani emigodi eZimbabwe.

Okusobala yikuthi amashares azatholwa nguzulu azaba yisilinganiso sokungamatshumi amahlanu lanye ekhulwini-51%, njalo kumele afakwe kumankampani kahulumende agoqela, iZimbabwe Mining Development Corporation, isikhwama sokwabelena amashares ese Indigenization Fund, lakwezinye inhlelo zesikhwama senotho esizethulwa nguhulumende kumbe kunhlelo zezisebenzi eze Share Ownership Scheme.

Amankampani emazweni emba okutshiyeneyo eZimbabwe asedlela evalweni njengoba elakho ukuthi athathelwe imigodi nguhulumende.

Owake waba ngumqondisi we Affirmative Action Group uMnu. Matson Hlalo uthi uhlelo lolu lujahwe okwamagama libandla le ZANU-PF ngakho lulakho ukubhidliza inotho yelizwe.

XS
SM
MD
LG