amalinks wokungena

Breaking News

Uhulumende weZimbabwe Uqala Uhlelo LweIntwasa Emadolobheni


Command Agriculture

Abogatsha lwezokulima bathi abalimi bemadolobheni labo sekumele bathole usizo lwenhlanyelo lomvundiso ngaphansi kohlelo lwabo lweIntwasa ukuze iele Zimbabwe limelane lohlupho lwendlala.

Abalima ngokuthelezela amasimu asukela ku5ha kusiyaphezulu bazatholiswa lolusizo ngaphansi kohlelo lweCommand Agricuture bencediswa libhanga leCommercial Bank of Zimbabwe -CBZ.

Inengi labalimi libikwa selaqeda ukugebha amagodi kagajompo kuthi abanye lokhe bephakathi kwawo lumsebenzi. Labo asebaqeda abanye babo bathi sebelutholile usizo lwenhlanyelo lomvundiso kuhulumende ngaphansi kohlelo lweIntwasa lokulimela umnyaka ka2020 kusiya ku2021 oluqale ngabalimi bemaphandleni.

Umqondisi wohlangothi lwabalimisi eMatabeleland North leBulawayo, uMnu Dumisani Mbikwa Nyoni uthi uhulumende uyaqhubeka ngohlelo lwakhe olweNtwasa emaphandleni lemadolobheni.

"Uhlelo lolu uhulumende ebekhangele abalimi bemaphandleni kodwa usenanzelele ukuba labalimi bemadolobheni bayaphuma ngobunengi besiyalima ngakhoke abazatshaya amagodi bazatholiswa inhlanyelo kodwa sikhangelele ukuba balime endaweni ezivunyelweyo besebenzelana lekhansili lobanje sebekhona abalime endaweni ezingavunyelwayo."

UNyoni uqhubekele phambili ethi abalimi abalima ngokuthelezela labo bayatholiswa usizo ngaphansi kohlelo lweCommand Agriculture besebenzelana lebhanga leCBZ.

"Sikhangela abalimi abalima bethelezela eLusulu lwakwezinye indawo umlimi kumele abhalise kumlimisi kusukela ku5Ha base ibizo lakho eCBZ ukuba uthole usizo ibhanga libeselikukhangela ukuba ungumuntu othembakeleyo yini bethi sebekutholisa usizo lwemali ukuze uyethenga konke okufunakalayo ekulimeni."

Ingcitshi ezibona ngezomumo womkhathi zithi lonyaka izulu liyathembisa ukuba lingana kuhle kodwa abalimi sebedaniswa yintengo yenhlanyelo esikhuphulwe ngesilinganiso esikhulu kakhulu lonyaka.

Umlimi weNkayi, uMnu. Muhle Masuku uthi kunje abala lamali yokuthi balime lonyaka ngoba bengenelisanga ukuthengisa isivuno sanyakenye.

“Abalimi bazathwalanzima kulo umnyaka ngoba sekuleminyaka emibili bengelanzuzo emasimini okutsho ukuthi abalamali ebekiweyo ngemva kokuthengisa. Umlimi kalamali yakithi okutsho ukuthi uma isibekwe ngemali yaphandle kwenza kubenzima ukuthi aguqule imali yakithi ibe ngeyakwamanye amazwe. Okunye njalo abalimi abala abanguthengisa bafelwe yizifuyo, kunzima njalo kngasinhlanyelo yodwa kuzafunakala imithi yokubulala ukhula lomfundiso. Kunengi okumele kuphathwe ngumlimi ukuze aphumelele ekulimeni. Inkomo njalo okumele zidonse amakhuba zibhekane lendlala akulatshani lokudla kwazo kuyadula njalo lakho kuthengiswa ngemali yakwamanye amazwe.”

UKhansila kaWard 16 eLupote eHwange uMnu Cosmas Mwakiposa uthi sebeyitholile inhlanyelo.

“Uhlelo lukagajompo luhamba kahle inhlanyelo lomvundiso sesikutholile besilokhe sifundiswa ngalo njalo siyaluthakazelela kakhulu ngoba luyagcina amanzi emagodini.”

Lobanje loluhlelo luphazamiswe yikuqhamuka kobhubhano lweCovid-19 osekubangele ukuba abalimi bethathe isikhathi ukuthola usizo ebhanga bethi sebesiyathenga inhlanyelo lomvundiso kumavinkili awempahla zokulimisa.

Kuminyaka emibili emithathu edluleyo ilizwe belibhekane lendlala embi ngoba izulu belingani kuhle, okutshiye inengi lisebunzimeni kuthi izifuyo lazo zicuba zingela madlelo lamanzi. Kunje abalimi abanengi sebeqalile ukulungiselela ukulimela umnyaka ka2020 kusiya ku2021 yikho sebehle bekhalaza kusese lesikhathi kuhulumende lakunhlanganiso ezizimeleyo ukuthi bonke baphathise.

Amavinkili athengisa okokulimisa abiza amatshumi amathathu lanhlanu amadola eMelika-US$35, umgodla wamakilogram alitshumi-10kg. Kuthi ngedola leZimbabwe ibiza inkulungwane ezinthathu i10kg yomumbu. Umvundiso lamazambani akukatholakali okugoqela lenhlanyelo yamabele amancane ayiwo akhuthazwa ukuthi alinywe emhlubulweni weMandebeleni.

Udaba lwenhlupho ezibhekane labalimi lonyaka siluphiwa nguAnnahstacia Ncube
please wait

No media source currently available

0:00 0:06:05 0:00

Facebook Forum

XS
SM
MD
LG