amalinks wokungena

Breaking News

Uhulumende weZimbabwe Wephule Amalungelo Kakhulu Nyakenye, Kutsho iMelika


Secretary of State Antony Blinken speaks about the release of the '2020 Country Reports on Human Rights Practices,' at the State Department in Washington, Tuesday, March 30, 2021. (Mandel Ngan/Pool via AP)

EleMelika lithi eleZimbabwe ngelinye lamazwe ephule amalungelo oluntu kakhulu nyakenye.

Lokhu kuphume kugwalo olwethulwe ngunobhala wogatsha olubona ngobudlelwano beMelika lamanye amazwe olweU.S. State Department uMnu Antony Blinken izolo.

UMnu Blinken uthi uhulumende kaMongameli Emmerson Mnangagwa uhlukuluze kakhulu abenhlanganiso ezizimeleyo, abalwela amalungelo ezisebenzi, abalwisa inkohlakalo, izitabane kanye labamabandla aphikisayo abafana labeMDC Alliance uNkosazana Joana Mamombe, uCecilia Chimbiri loNetsai Mavora, bona abake bathunjwa ngabantu abanakanelwa ukuthi ngabacuphi babahlukuluza.

Uthi njalo uhulumende uhlukuluze intathelizindaba ezifana loFrenk Chikowore yena oke wabotshwa kanye lomhleli wenkundla yeZimLive uMduduzi Mathuthu yena ongenelwe ngabantu endlini yakhe nyakenye kuze kuthunjwe umtshana wakhe uTawanda Muchehiwa.

Amanye amazwe asolwa yiMelika ngokwephula amalungelo kugwalo lwe2020 Human Rights Report agoqela eleChina, Russia, leleVenezuela.

IMelika ithi njalo kuyadanisa ukuthi amapholisa lamasotsha eZimbabwe etheswa icala lokubulala abantu ngo2018 alokhe engakabotshwa.

Ilunga leMDC Alliance uMnu Edwin Ndlovu uthi bavumelana lamazwi eMelika.

please wait

No media source currently available

0:00 0:02:29 0:00

Khepha ilunga leZanu PF uMnu Believe Gaule uthi akulakwephulwa kwamalungelo okwenzakalayo eZimbabwe.

please wait

No media source currently available

0:00 0:02:24 0:00

Facebook Forum

XS
SM
MD
LG