amalinks wokungena

Breaking News

Uhulumende Uthi Uzimisele Ukuguqula Imithetho Yokwethulwa Kwemibiko eZimbabwe


Uhulumende uthi uzimisele ukuguqula imithetho yokuthapha izindaba lokunika amankampani amacence okuvula imisakazo.

Lokhu kwethulwe nguMnu. Nick Mangwana, umphathintambo wezokwethulwa kwemibiko, kungxoxo mpikiswano ekhangelane lesimo sokuthapha izindaba kwele Zimbabwe ebiqoqwe yiZimbabwe Television Network (ZTN) leVoice of America (VOA) eHarare.

Omunye wabakade bekulomkhosi ngumsekeli wogatsha lwezokuthwalwa kwempahla, uMnu. Fortune Chasi, oluncomileyo loluhlelo.

Omunye njalo obekungxoxo mpikiswano le nguMnu. Sizani Weza osebenza esigodlweni seMelika eZimbabwe. UWeza laye uncome kakhulu ukusebenzisana kwamankampani amabili la abona ngokuthapha izindaba iZimbabwe Newspapers Group ekhangelane lenkampani yeZimbabwe Television Network lomsakazo weVOA.

Okuphephandaba leZimFact, uMnu. Chris Chinaka, uthe kuhle kakhulu ukubona intathelizindaba zisebenza ndawonye.

Ingxoxo mpikiswano le ingenwe zingcwethi kwezokuthapha izindaba, abenhlanganiso ezilwela ilungelo loluntu okubalisa eye Media Institute of Southern Africa, lommeli wenhlanganiso yomanyano wamazwe omhlaba we United Nations, uMnu. Bishow Parajuli labeZimpapers.

Abanye abakhulume kumbuthano lo nguMnu. Geoff Nyarota, uMnu. Nyasha Nyakunu, uNkosazana Grace Mutandwa labanye.

Udaba Esilethulelwe NguMavis Gama
please wait

No media source currently available

0:00 0:02:49 0:00

Facebook Forum

XS
SM
MD
LG