amalinks wokungena

Breaking News

UJah Prayzah, Umdlalo weDynamos le Highlanders; Ngokunye Okuzahuga Abantu Ekutshengiseleleni Kwama Sanctions


Umhlabeleli uJah Prayzah

Uhulumende usethule uluhlu lohlelo lwebandla le Zanu PF olokufola kutshengiselwa phezu kwezijeziso zenotho ezafakelwa iziphathamandla ze Zanu PF ngamazwe angentshonalanga oluzenziwa ngoLwesihlanu. Ilanga langoLwesihlanu lathiwa lilikhefu ukwenzela ukuthi abantu baphatheke ngobunengi kuhlelo lolu.

Unobhala wogatsha lwezokwethulwa kwemibiko, uMnu. Nick Mangwana utshele umsakazo we ZBC ukuthi uhlelo lolu luzaqala ekuseni lapho edolobheni le Harare lapho okuzabuthanwa abantu besebefola belubhekise enkundleni ye National Sports Stadium.

Enkundleni le kuzakuba lemicimbi etshiyeneyo egoqela eyabahlabeleli ababalisa uJah Prayer labanye. Kuzakuba lomdlalo wenguqu phakathi kweqembu le Highlanders lele Dyanamos.

UMangwana uthi basalindele ukuzwa ukuthi abebandla le MDC bazaphatheka na emcimbini lo?

Facebook Forum

XS
SM
MD
LG