amalinks wokungena

Breaking News

Ukhangelele Okungcono uMapeza ngoMgqibelo


FC Platinum

Umqeqetshi weqembu leFC Platinum uNorman Mapeza uthi abadlali bakhe kumele bakhuphule izinga lokudlala lapho abazadibana khona leqembu lase Mozambique ele Costa Dol Sol, kuhlandla lesibili lomdlalo wePreliminary Round eyomncintiswano weCAF Champions League ozaqhutshelwa enkundleni yeNational Sports ngoMgqibelo.

Iqembu le FC Platinum linqobe ele Costa Dol Sol nge 2 ka 1 kuhlandla lakuqala elomdlalo ngoMgqibelo odluleyo kodwa uMapeza uthi abadlali bakhe bebethathelwa kalula ibhola kulowomdlalo.

“Kulesikhathi lapho ebesiphongu lahla khona ibhola mhlawumbe imbangela yikuba abadlali laba bahlale isikhathi eside bengadlali ibhola. Ngalokho ke kumele sibaphe ibhola belidlale ngoba ukugijima bebegijima njalo baqinile. Singenza kanjalo sizalungisisa sidlale ngcono emdlalweni obuyayo,” kutsho uMapeza.

UMapeza ugade ibhasi isihamba njengoba iqembu le FC Platinum liqale amalungiselelo awokuphatheka kumkhankaso we CAF Champions League lomqeqetshi uHendrikus Pieter de Jong yena olahlekelwe ngumsebenzi ngoba engela amaphepha adingakala ukuba aqeqetshe kulelizinga.

Abahlohlele iqembu le FC Platinum eMozambique ngu Ralph Kawondera kanye lo Elias Magura njalo ukuhlohla kabili lidlala lingekho ngekhaya kulibeke esimeni esihle esokuba lidlulele kusigaba esilandelayo esomncintiswano ngoba iqembu le Costa Dol Sol kuyabe kumele linqobe ngamagoli amabili ukuze kube yilo elidlulela phambili.

Iiqembu elizanqoba ngoMgqibelo lizadibana lelizanqoba phakathi kweqembu le Plateau United elase Nigeria kanye le Simba Stars eyase Tanzania kusigaba esilandelayo esomncintiswano.

Onompembe abazaphatha umdlalo wangoMgqibelo phakathi kweqembu le FC Platinum lele Costa Dol Sol ngabavela elizweni lase Zambia abathi uKasokota Kafuli Derrick, okunguye oyabe etshaya impembe, emaceleni kuyabe kulo Romeo Kasengele kanye lo Chiwoyu Kapembwa Sinyangwe kusithi unompembe wesine ngu Janny Sikazwe.

Usikomitshi womdlalo ngu Inacio Manuel Candido odabuka elizweni lase Angola.

Ezemidlalo siziphiwa nguJoseph Njanji
please wait

No media source currently available

0:00 0:01:36 0:00

Facebook Forum

XS
SM
MD
LG