amalinks wokungena

Breaking News

Ukhetho Alungeke Lwenziwe Ngomnyaka Ozayo - ZEC


Ikomishini ebona ngokuqhutshwa kokhetho eye Zimbabwe Electoral Commission ithi lanxa amabandla ezombusazwe esithi afuna kwenziwe ukhetho ngomnyaka ozayo, lokhu akusoze kwenzeke ngoba kungelamali yokuqhuba ukhetho kanti njalo kusamele lulungisise uluhlu lwabalelungelo lokuvota, i voters roll.

Ekhuluma eseKariba emhlanganweni oqoqwe yiZimbabwe Election Support Network ngoLwesine, umgcinisihlalo weZEC uMnu Simpson Mutambanengwe uthe ugatsha lwakhe lubhekane lomsebenzi omkhulukazi omele wenziwe ukuze ukhetho olulandelayo lwenziwe ngendlela esuthisa wonke umuntu.

Icele leMDC elikhokhelwa nguMnu Morgan Tsvangirai leZanu PF yiwo ahlezi ekhuthaza abasekeli bawo ukuthi behlale belungele ukhetho ngomnyaka ozayo ngoba uhulumende womanyano engasebenzi kuhle.

Kodwa icele leMDC elikhokhelwa nguMnu Athur Mutambara lalo njenge ZEC, lithi abafuna ukhetho laba ngomnyaka ozayo bayaziphuphela nje libalele.

Ingcwethi ecubungula ezombusazwe uMnu Rejoice Ngwenya utshele uNtungamili Nkomo weStudio 7 ukuthi ngempela ikomishini yeZEC kumele yenze wonke amalungiselelo adingakalayo andubana kuqhutshwe ukhetho.

‚Äč
XS
SM
MD
LG