amalinks wokungena

Breaking News

'Ukhetho Lomnyaka ka2018 Lulakho Ukuba Lodlakela Olumangalisayo'


Abanye abavota ngomnyaka ka2013.
Abanye abavota ngomnyaka ka2013.

Inhlanganiso elwela amalungelo oluntu eyeZimbabwe Exiles Forum ithi ukhetho oluzakwenziwa ngomnyaka ka2018 kungenzakala ukuthi lube lodlakela olumangalisayo.

Inhlanganiso le ithi lokhu ngenxa yodlakela oluqhutshwa nguhulumende khathesi kanye lokwehluleka kweKomishini yezokhetho ukulungiselela ukhetho lolu.

Iziphathamandla zale inhlanganiso zitshele abezindaba eJohanesburg ukuthi uhulumende kufuze enze isimo silungele ukhetho kumbe nxa kusehlula alumise.

Enkulumeni ayethule emhlanganweni wabezindaba eJohannesburg ngoLwesibili,umkhokheli wenhlanganiso le, uMnumnzana Gabriel Shumba, uthe kuyingozi ukuqhuba ukhetho elizweni okungalandelwa mthetho, okulokhe kusetshenziswa izinto ezikusisekelo sombuso esidala khona sekulesitsha kukanti labantu besahlukunyezwa nguhulumende ngesihluku nxa bengethula imbono yabo.

“Abantu balokhu bengavunyelwa ukwethula imbono yabo. Sesibone abanengi bethunjwa betshwaywa kabuhlungu. Singakakhulumi ngokhetho, kufanele umumo emaphandleni uvumele abantu ukusebenzisa ilungelo labo lokuvota kungalamuntu obabamba ngamandla ukuthi bavotele othile. Okwamanje isimo sibi kakhulu.”

Esinye njalo isiphathamandla sale inhlanganiso, uNkosazana Janet Munakamwe, uthe okuzadala udlakela olukhulu yikuthi ugwalo lwabavoti alukalungiswa kanti njalo emakhaya abantu babanjwa ngamandla yizinduna ukuthi bavotele ibandla leZanu PF.

Udaba Esilethulelwe NguBenedict Nhlapho
please wait

No media source currently available

0:00 0:02:31 0:00
Lapho esitholakala khona

UNkosazana Munakamwe uthe ukusondela kokhetho lolu sokutshiye abesifazana abanengi benunubele, ikakhulu labo abadlwengulwayo ngokhetho olwedlulayo.

“Ngengomlweli wamalungelo, njalo njengowesifazana oseke waphatheka ekhethweni lweZimbabwe oluhlala lulodlakela, nxa kukhulunywa ngokhetho ngiyahlukumezeka kakhulu emoyeni. Ma kunzima kimi akucabange ukuthi kunzima kangakanani kwabanye omama. Ukhetho lwenza igazi lami ligijime ngokwesaba.”

UMnumnzana Anorld Silulu, okunhlanganiso le, uthe kayikho into esiguqukile eZimbabwe engenza ukuthi uhulumende aqhubekele phambili ngokhetho olukhona.

Uthe kudingeka ukuthi isimo sezombusazwe silungiswe ngokuphangisa kumbe lolu khetho lumiswe. Uthe loba kungalungiswa kuzafanele kuvunyelwe inhlanganiso zomhlaba ukuzobona ukuthi lolukhetho luqhutshwa njani.

“Okukakhulu sesikhangelele ukuthi iUnited Nations ibuye izokwenza ama elections eZimbabwe njengalokho abakwenzayo eNamibia, … ukuthi siyekele iZanu PF ibe yiyo eyenza ukhetho akulanto ezatshintsha eZimbabwe. Abantwana beZimbabwe bayadubeka isikhathi lesi. Lokuhamba ukuthi baye vota abantu babanjwa ngamandla.”

Linhlanganiso ifuna njalo ukuthi abasemazweni bavunyelwe ukuvota kulolukhetho.

XS
SM
MD
LG