amalinks wokungena

Breaking News

Ukubhaxabula Amantombazana Okwenziwe NguGrace Mugabe Kudala Inkulumo Ngokondla Abantwana


UNkosikazi Grace Mugabe

Icala lokutshaya amantombazana akwele South Africa eletheswa uNkosikazi Grace Mugabe selidale inkulumo phezu kwendlela yokondla abantwana.

UNkosikazi Mugabe ubikwa ukuthi wabhaxabula amantombazana ayesehoteleni yamadodana ache eSandton.

Ukuhlaziya loludaba sixoxe lolwela ilungelo labesifazana, uNkosazana Victress Mathuthu, loSenetha Sithembile Mlotshwa owebandla le Movement for Democratic Change elikhokhelwa nguMnu. Morgan Tsvangirai.

“Okwakuqala asikhangele isimilo sikaNkosikazi Grace Mugabe nxa sisiqathanisa lesabanye abalesikhundla esifanayo. Nxa usiqathanisa lesimilo sowayengunkosikazi kaMongameli Mugabe, uSally Mugabe ukuthi sinjani …” kutsho uMlotshwa.

Uthi nxa kukhangelwa njalo inyanga kaNcwabakazi eyokuhlonipha ilungelo labesifazana esebenzisa amandla akhe ukubhidliza untombazana lo.

Unkosazana Mathuthu uthi wethuswe yisenzo sikaNkosikazi Mugabe.

Kutsho uMathuthu: “Mina njengomuntu okhokhela inhlanganiso elwela ilungelo labantu sikhangelele ukuthi umuntu onjengo Grace Mugabe abe yisibonelo samantombazana.”

Facebook Forum

XS
SM
MD
LG