amalinks wokungena

Breaking News

Ukudonselana kuZanu PF Kufika Kusibanga Esesabekayo


Zanu PF

Ukuxabana lokhu obekubhibhidla ebandleni kungaphumeli phandle sobala kuthululeke emphakathini ngemva kodaba lokhetho lwezigaba oluchaye ukuqilibezela lokuxokozela.

Ukudonselana kubangwa amandla phakathi kweziphathamandla zeZanu PF sekufike kuzinga elesabekayo inkokheli yalelibandla isiphoselana aqatha. Lokhu kudonselana sekuziveze ngamandla kuphephandaba le The Herald elibethe isikhulumeli sebandla, uMnu. Rugare Gumbo lonobhala, uMnu Didymus Mutasa njengabanye abaletha ukuxabana ebandleni.

Ababili laba babikwa besekela uhlangothi olukhokhelwa ngumsekeli kamongameli Mugabe, uNkosikazi Joyce Mujuru. Iphephandaba le The Herald lona likhanya selisetshenziswa ngabasekela uhlangothi lukamnumzana Emmerson Mnangagwa.

Ukuxabana lokhu obekubhibhidla ebandleni kungaphumeli phandle sobala kuthululeke emphakathini ngemva kodaba lokhetho lwezigaba oluchaye ukuqilibezela lokuxokozela kulolukhetho oselumisiwe ezigabeni ezimbalwa ebezimele ziqhube ukhetho ngempelaviki.

Kodwa lelibandla lithi selizaqhuba umhlangano wedale elimqoka ele Politburo ngempelasonto lapho uMongameli Mugabe akhengelelwe ukuba esephindele ekhaya evela kwethekelela emazweni angempumalanga.

Kodwa ingcwethi ecubungula ezombusazwe, uMnu. Morris Ngwenya, olilunga leZanu PF, utshele iStudio 7 ukuthi akula ngitsho kuxabana ebandleni leZanu PF.

please wait

No media source currently available

0:00 0:01:50 0:00
Lapho esitholakala khona



Kunjalo nje, umphathintambo wezokwethulwa kwembiko, uMnu. Jonathan Moyo, onguye okhwezele inkulumo kubandla leZanu PF ngokuthi isikhulumeli sebandla siphosisile ngokwethula ukhetho lwesigaba seMashonaland Central namhla utshele iphephandaba le The Chronicle ukuthi kumele amalunga akhumisane umlotha.

Kodwa ingcwethi ecubungula ezombusazwe, uMnu. Rejoice Ngwenya utshele iStudio 7 ukuthi ingxabano igxile kakhulu kubandla leZanu PF nxa sikhangela imbali yalelibandla.
please wait

No media source currently available

0:00 0:02:18 0:00
Lapho esitholakala khona
XS
SM
MD
LG