WASHINGTON —
Abohlangothi olubona ngezamajele eZimbabwe olwe Prison Services lubika ukuba sokubhubhe izibotshwa ezingafika ikhulu kusukela ekuqaliseni kwawonal'umnyaka emajele eZimbabwe ngenxa yendlala lemikhuhlane ephathelane lokuswela ukudla okwakha umzimba.
Lokhu kuvezwe ngoMvulo edale lephalamende nguNkosikazi Virginia Mabhiza, umabhalani omkhulu kugatsha lukahulumende olubona ngezemithetho-olwe-Legal and Parliamentary Affairs.
UNkosikazi Mabhiza uthe uhulumende uswela imali efika isigidi esisodwa samadollar i$1 million ngenyanga eyokuthengela izibotshwa ukudla, osokubangele ukuthi zidle kanye ngelanga nxa kuthe kwatholakala.
Wengeze wathi kuswelakala imvundiso lenhlanyelo eneleyo eyokuthi izibotshwa zizilimele zithole isivuno esiphezulu ezingakudla.
Udaba lolu lugcizelelwe nguMnu. Siyabonga Malandu-Ncube, owayemela i-Insiza South edale lephalamende yena otshele uSithandekile Mhlanga weStudio 7 ukuthi izibotshwa kulesisigaba zitshona ngendlala njalo zidatshukelwe.
Abanye njalo ngabethesa abalinda emajele leziphathamandla ezilinda emajele umlandu wokuthatha isivuno sezibotshwa bezisebenzisela emizini yabo. Iziphathamandla zohlangothi lwamajele zetheswa njalo umlandu wokuthatha izibotsha zisiya sebenza emaphulazini azo kungela mbadalo.
Lokhu kuvezwe ngoMvulo edale lephalamende nguNkosikazi Virginia Mabhiza, umabhalani omkhulu kugatsha lukahulumende olubona ngezemithetho-olwe-Legal and Parliamentary Affairs.
UNkosikazi Mabhiza uthe uhulumende uswela imali efika isigidi esisodwa samadollar i$1 million ngenyanga eyokuthengela izibotshwa ukudla, osokubangele ukuthi zidle kanye ngelanga nxa kuthe kwatholakala.
Wengeze wathi kuswelakala imvundiso lenhlanyelo eneleyo eyokuthi izibotshwa zizilimele zithole isivuno esiphezulu ezingakudla.
Udaba lolu lugcizelelwe nguMnu. Siyabonga Malandu-Ncube, owayemela i-Insiza South edale lephalamende yena otshele uSithandekile Mhlanga weStudio 7 ukuthi izibotshwa kulesisigaba zitshona ngendlala njalo zidatshukelwe.
Abanye njalo ngabethesa abalinda emajele leziphathamandla ezilinda emajele umlandu wokuthatha isivuno sezibotshwa bezisebenzisela emizini yabo. Iziphathamandla zohlangothi lwamajele zetheswa njalo umlandu wokuthatha izibotsha zisiya sebenza emaphulazini azo kungela mbadalo.