amalinks wokungena

Breaking News

Ukwalelwa Ukuthi Eyinye Njalo Impahla Ingene eZimbabwe Kudala Inkulumo


Bazondile abathenga impahla kwamanye amazwe.
Bazondile abathenga impahla kwamanye amazwe.

Umphathintambo wezemali, uMnu. Patrick Chinamasa, uthi kusukela ekupheleni kukaMpalakazi kuleyinye njalo impahla ezakuba kuluhlu lwaleyo engavunyelwa ukuthengwa phandle leZimbabwe ibe isingeniswa elizweni.

Ngenyanga kaNhlangula nyakenye kwaqhamuka ukutshengisela kwatshiswa amawofisi kahulumende lokunye okufanayo eBeitbridge kulandela ukwethulwa komthetho wokwalela impahla ukuthi ingene elizweni ivela kwamanye amazwe phansi komthetho othiwa yiStatutory Instrument 64 of 2016.

Esethula uluhlu lwendleko kahulumende, ibudget ngoLwesine, uChinamasa uthe injongo yenyathelo leli lokukhweza imithelo yenye impahla engena elizweni yikukhuthaza uzulu ukuthi athenge impahla elungiswa elizweni ukuze umnotho uthuthuke.

Kodwa lelinyathelo kalemukelwanga kahle ngabanengi, ikakhulu abaphila ngokuthenga emazweni angomakhelwane ngalesisikhathi imisebenzi ingekho elizweni.

Sixoxe lomkhokheli wenhlanganiso yabaphila ngokuthenga phandle kwelizwe abazithengisa eZimbabwe, eye International Crossborder Association, uMnu. Denis Juru, obesemngceleni weBeitbridge, othe inyathelo likahulumende libisela muva ingqubelaphambili.

please wait

No media source currently available

0:00 0:01:31 0:00
Lapho esitholakala khona

XS
SM
MD
LG