Umkhokheli webandla leMDC-T, uMnu. Morgan Tsvangirai ukhululiwe namhla esibhedlela se South Africa kulandela ukwelatshwa umkhuhlane ongaqanjwanga omphethe ngeviki edluleyo.
UTsvangirai wayekhangelelwe ukukhokhela ukufola okwenzakale koBulawayo ngoMgqibelo kodwa ubengekho.
Ibandla leMDC-T lithi ukutshengisela okwenziweyo kuphumelele ngoba inkulungwane zabantu ziphathekile. Kulandela ukutshengisela lokhu lelibandla lithi lizakwenza okunye njalo ezitaladeni zeMutare ngenyanga ka Ncwabakazi.
Ngeviki edluleyo ibandla le Zanu PF lalo lifolile ezitaladeni litshengisela usekelo lukaMongameli Mugabe.
Ukuhlaziya ukutshengisela lokhu sixoxe lengcwethi ecubungula ezombusazwe, uMnu. Zenezele Ndebele othi kuyikucitha isikhathi.
"Ngibona ingani kulohlupho kuMDC-T lakuZanu PF ngoba nxa kuyikuthi uwinile ku election, ngikhangela kucele leZanu, uyenza kuhle akulancedo lokubiza abantu ukuthi bazotshengisela ukuthi belokhu belawe. Kukhona abakubona ukuthi akuhambi kuhle."
Uthi ku MDC-T lakho kulohlupho ngoba lesi yisikhathi sokutshengisela ukuthi iZanu yavotelwa kodwa isesuhluleka. Kodwa uthi sekufoliwe manje kuphathiseni.
UNdebele uthi: "I opposition idinga usekelo endaweni ezingayisizo. Kufana lokuthiya inhlanzi egabheni kumbe ukutshumayela ebantwini asebeguquke kudala. Ngabe bayahamba emaphandleni lapho abangelasekelo khona."
