WASHINGTON —
Inengi lezizalwane zeZimbabwe seliveze imbono etshiyeneyo ngesinye sezinqumo zomhlangano we Conference ye ZANU PF ogqitshwe ngempelaviki esithi kufanele amabizo esingisi aphiwa indawo ezitshiyeneyo zelizwe, agoqela i-Victoria Falls aguqulwe aphiwe amabizo endimi ezisetshenziswa elizweni.
Umkhokheli wabalwa impi yenkululeko engowebandla le ZANU PF, uMnu. Jabulani Sibanda usanda ukusekela lesisinqumo esithi akufanelanga iVictoria Falls, iqhubeke ibizwa ngowayeyindlovukazi yeBhilithani uQueen Victoria, kodwa kufanele ibuyiselwe ibizo layo lakudala u Mosi Oa Tunya.
USibanda uqhubeke wathi akusoqiniso ukuthi umuyi uMnu. David Livingstone owayeyisihambi kweleZimbabwe, edabuka eScotland, nguye owayibona kuqala lindawo ngoba abantu abadabuka kuleyondawo babevele beyazi. Wengezelele ethi ukuguqulwa kwebizo lendawo le akusoze kwenqabele izithekeli ngoba indawo iyabe ilokhu ifanana
Umphathintambo wezabelo uMnu. Ignatious Chombo laye ubikwa ekugcizelela lokhu, esithi eleZimbabwe lilamabizo abahlonitshwa balo angaphiwa lizindawo, agoqela elika-Sekuru Kaguvi, Josiah Tongogara, lo Mbuya Nehanda.
Ezinye indawo eziqanjiweyo ukuthi ziguqulwe ngamagama ezikolo, imigwaqo, lezinye.
Ukuze sihlaziye loludaba sixoxe loMnu. Isaac Mpofu, umlobi, njalo eyingcwethi kwezamasiko.
UMpofu utshele uSithandekile Mhlanga weStudio 7 ukuthi nxa kuyikuthi amabizo ayagulwa kufanele kusetshenziswe ulimi olufaneleyo kanye labahlonitshwa abaziwayo kulezozigaba zelizwe, ngendlela yokugcizelela imbali yazo.
Umkhokheli wabalwa impi yenkululeko engowebandla le ZANU PF, uMnu. Jabulani Sibanda usanda ukusekela lesisinqumo esithi akufanelanga iVictoria Falls, iqhubeke ibizwa ngowayeyindlovukazi yeBhilithani uQueen Victoria, kodwa kufanele ibuyiselwe ibizo layo lakudala u Mosi Oa Tunya.
USibanda uqhubeke wathi akusoqiniso ukuthi umuyi uMnu. David Livingstone owayeyisihambi kweleZimbabwe, edabuka eScotland, nguye owayibona kuqala lindawo ngoba abantu abadabuka kuleyondawo babevele beyazi. Wengezelele ethi ukuguqulwa kwebizo lendawo le akusoze kwenqabele izithekeli ngoba indawo iyabe ilokhu ifanana
Umphathintambo wezabelo uMnu. Ignatious Chombo laye ubikwa ekugcizelela lokhu, esithi eleZimbabwe lilamabizo abahlonitshwa balo angaphiwa lizindawo, agoqela elika-Sekuru Kaguvi, Josiah Tongogara, lo Mbuya Nehanda.
Ezinye indawo eziqanjiweyo ukuthi ziguqulwe ngamagama ezikolo, imigwaqo, lezinye.
Ukuze sihlaziye loludaba sixoxe loMnu. Isaac Mpofu, umlobi, njalo eyingcwethi kwezamasiko.
UMpofu utshele uSithandekile Mhlanga weStudio 7 ukuthi nxa kuyikuthi amabizo ayagulwa kufanele kusetshenziswe ulimi olufaneleyo kanye labahlonitshwa abaziwayo kulezozigaba zelizwe, ngendlela yokugcizelela imbali yazo.
