amalinks wokungena

Breaking News

Ukuguqulwa Kwesisekelo Sombuso Welizwe Kupha Umongameli Mugabe Amandla


Umahluli, u Justice Godfrey Chidyausiku

Ibandla le Zanu PF ngoLwesibili lenelise ukusebenzisa ubunengi bamalunga aloe dale lephalamende lavotela umthetho wokuguqula ingxenye yesisekelo sombuso.

Lokhu kutsho ukuthi sekusele ukuthi idale le Senate lihlayiye loludaba nxa inani lama senetha elifunakalayo kumalunga angamatshumi ayithoba minwe mibili evotele lumthetho uyasiwa kumongameli Mugabe ukuthi asayine.

Ingxenye le, uAmmendment Bill number one, izakupha amandla umongameli Robert Mugabe ukuthi akhethe umkhokheli wabehluli kunye lomsekeli wakhe.

Bekufunakala amavoti afika phose amakhulu amabili, 180 khona kulamalunga angamakhulu amabili lamatshumi ayisikhombisa, 270.

Kulamalunga ebandla le MDC-T angamatshumi amane lanye, 41, avote ukuthi umthetho lo ungapasi kodwa kwehlula. Bekulokudonselana edale lapho amalunga ebandla le MDC-T ezama ukuthi lumthetho ungapasi.

Omunye umsekeli kamongameli webandla leMDC-T, uMnu. Nelson Chamisa uzame ukuthi kuvotwe ensitha ngoba amanye amalunga abesesaba ukungavoteli lumthetho esazakala kodwa usomlomo wedale, uMnu. Jacob Mudenda wala.

UChris Gande weStudio Seven uxoxe lomsekeli wesikhulumeli sebandla le MDC-T, uNkosazana Thabitha Khumalo othi okwenzakeleyo kutshengisa sobala ukuthi ibandla le Zanu PF alifuni kulandela izifiso zikazulu owapha imbono yakhe esithi kafuni linguquko.

please wait

No media source currently available

0:00 0:02:00 0:00

Facebook Forum

XS
SM
MD
LG