amalinks wokungena

Breaking News

Ukuhlukunyezwa KukaMama Kudala Inhlupho Kwezempilo

  • Mavis Gama

pregnant women
Ingcwethi kwezempilakahle ziveza ukuba kulobudlelwano obukhulu phakathi kodlakela phakathi kwabatshadileyo lemikhuhlane ehlasela abesifazana egoqela eyengulamakwa, igciwane lengculaza, kanye lemvukuzane yomlomo wesibeletho. Into edanisayo yikuba kaziqakathekiswa lezindaba lanxa zilakho ukuphazamisa imizamo kahulumende yokutholisa uzulu wonke amalungelo kezokwelatshwa ukuze agcwaliswe izivumelwano zama “Millenium Goals ” kwezempilakahle ngesikhathi esabekwayo.

Phose abesifazana abalitshumi balahlekelwa yimpilo ngesikhathi bezithwele loba bebeletha kuveza abezempilakahle. Phose isilinganiso sokungamatshumi amathathu ekhulwini salezi zimfa zibikwa zibangelwa yikuba umama uyabe ezithwele engazilungiselelanga.

Bathi lumumo ubangelwa ludlakela phakathi kwabathetheneyo. Esikhathini ubaba ulakho okwalela unkosikazi wakhe ukusebenzisa indlela zokwelamisela khatshana imhuli.

Phezu kokuba lomntwana,umama engazilungiselelanga,lumumo wodlakela ulakho ukubeka impilakahle yakhe engozini. Imikhuhlane efana lengulamakhwa,udubo lwemvukuzane yesibeletho kanye legciwane lengculaza kulakho ukumhlasela owesifazane lo

Imvukuzane yomlomo wesibeletho ibikwa kuyiyona eqonge kakhulu kumihlobo yemvukuzane ehlasela omama lanxa isenqabeleka.Inengi lalabomama libikwa liyiswela imali yokuba bayethole uncedo lokwelatshwa isikhathi sisisekhona.

Uhulumende uveza ukuba bedlula inkulungwane ezintathu omama abalahlekelwa yimpilo ngomnyaka elizweni bebulawa yimvukuzane yomlomo wesibeletho lanxa ingezinye zemvukuzane ezenqabelekayo.

Kubikwa kusuka kube ludubo kakhulu kumama ovele ephila legciwane lengculaza nxa eselayo limvukuzane.Ngakho bakhankasela ukusebenzelana okukhulu kuqakathekiswa imikhuhlane ehlasela ikakhulu abesifazane ukuze inqotshwe impi yokwehlisa inani labomama abalahlekelwa yimpilo, ngaphansi kohlelo lukahulumende lwe Iintergrated Support Programme.

Kubika intathelizindaba yeStudio 7 uMavis Gama osipha lolu daba ngokugcweleyo eseHarare.

please wait

No media source currently available

0:00 0:05:14 0:00
Lapho esitholakala khona
XS
SM
MD
LG