WASHINGTON DC —
Ukukhwela kwentengo yamafutha ezimota kukhangelelwe ukubangela ukukhuphuka kwentengo yempahla ezitshiyeneyo ezigoqela ukudla.
Iphethulo ethengiswa ngedola leMelika ikhwele ngama-cents amane izolo isuka kuUS$1.30 isiya kuUS$1.34 iliter ngayinye. Kodwa intengo yedizili ilokhe ikuUS$1.32.
Ngamadola eZimbabwe i-liter yedizili ebibiza Z$110.41 isithengiswa ngeZ$111.77 kuthi iphethulo ebiyiZ$109.17 isithengiswa ngeZ$112.96.
Lokhu kusolwe zingcwethi ezicubungula ezenotho ezithi intengo yamafutha kwamanye amazwe ikhwela kusiya ngomumo kodwa ibuye yehle.
Khepha eZimbabwe zithi ikhwela njalo nje. Enye yengcwethi lezi nguMnu Masimba Muchera.
