amalinks wokungena

Breaking News

Ukufuthelana Kuqhubekela Phambili Phakathi Kwezisebenzi Labaqhatshi Bakwele China


Inhlanganiso yezisebenzi ezikumsebenzi wokwakha eye National Employment Council for the Countruction Industry kwele Zimbabwe ithi abaqondisi bamankampani albo abadabuka kweleChina asebenzela eZimbabwe lokhe beqhubekela phambili behlukuluza izisebenzi okwamagama.

UMnu. Dzokamushure Taruvinga unobhala jikelele wenhlanganiso le utshele idale lephalamende ukuthi abanye abaqondisi bamankampani la batshaya izisebenzi lapho zifuna ukwengezelelwa iholo kumbe okunye okungabaphilisa.

UTaruvinga uphinde wathi okwamanje amankampani la abhadala izisebenzi iholo elingaphansi kwalelo elisemthethweni lamakhulu amabili lamatshumi amane amadollar eMelika ngenyanga.

Uphinde wathi kwesinye isikhathi abaqondisi laba banika izisebenzi ama payslip abhalwe ngolimi lwe China okwenza ukuthi bengazi ukuthi kubhalweni.

Uthe nxa izisebenzi zifuna iholo elikhuphukileyo, abaqhatshi laba benza engani kabasazi isilungu batshele-ke izisebenzi ukuthi zidinge ongabatholikela ukuthi bakhuluma ngani kwele China.

Manengi amankampani abavela kweleChina asebenzela eZimbabwe lamanye amazwe abikwa ehlukuluza izisebenzi okungapheliyo.

UMnu. Davies Ndumiso Sibanda ingcwethi kwezokudlelana kwabaqhatshi lezisebenzi uthi kumele abaqhatshi abavela eChina bafundiswe imithetho ye Zimbawbe bengakavuli amabhizimusi.

XS
SM
MD
LG