amalinks wokungena

Breaking News

Kuqhamuka UkuLwisana Phakathi KwabeZanu PF Labe Transform Zimbabwe


Uphawo lwebandla eliphikisayo ele Transform Zimbabwe

Abantu abahlanu abagoqela umntwana omncane babikwa belimele kakubi ngemva kokuqhamuka kodlakela phakathi kwamalunga ebandla leZANU PF lawebandla eliphikisayo eleTransform Zimbabwe alwisane ngoLwesihlanu eHighfield eHarare.

Udlakela lolu lubangele ukuchitheka komhlangano webandla leTransform Zimbabwe eHighfield, lapho obekumele umkhokheli walo uMnu. Jacob Ngarivhume akhulumisane labasekeli bakhe.

Isiphathamandla seTranform Zimbabwe uMnu. Tongai Takaruza utshele iStudio 7 ukuthi abalwisane lebandla lakhe bebegqoke amakawuso ebandla leZANU PF, bethwele izikhali, njalo bekhokhelwa nguMnu. Psychology Maziwisa, isiphathamandla salelibandla esizancintisa kukhetho oluzayo ololudinga ozamela iHighfield West edale lephalamende.

Wengeze ethi udaba lolu solukhwezwe emapholiseni, wona athi asadingisisa okunengi ngalo.

Kodwa ekhuluma leStudio 7 ngoLwesihlanu, uMaziwisa uphikisile umlandu awetheswayo, wathi abakhononayo kumele bayemangala emapholiseni.

Ukuze sizwe okunengi ngaloludaba, uSithandekile Mhlanga weStudio 7 uxoxe lomqoqi wenhlelo zeTransform Zimbabwe, esigabeni seMatabeleland North, njalo engumgcinisihlalo walesisigaba, uNkosikazi Praise Sibanda.

please wait

No media source currently available

0:00 0:02:25 0:00
Lapho esitholakala khona

XS
SM
MD
LG