amalinks wokungena

Ibandla leZanu PF 'Lithuka' uJulius Malema Othi uMugabe Kumele Asuke Esikhundleni

  • Chris Gande

UMnu. Julius Malema umkhokheli webandla le Economic Freedom Fighters (EFF).

Kuqhubekela phambili ukuphoselana aqatha phakathi kukaMnu. Julius Malema, umkhokheli webandla le South Africa ele Economic Freedom Fighters (EFF), lebandla leZanu PF phezu kwamazwi kaMalema okuthi uMongameli Robert Mugabe usekhulile okokuthi sekumele asuke embusweni.

UMalema, owayesazakala ngokusekela uMongameli Mugabe, wethula lamazwi ngoMvulo esithi amalunga ebandla leZanu PF angamagwala ngoba ayesaba ukutshela uMugabe ukuthi ayephumula.

Kwaqalisa umphathintambo wezembiko, uMnu. Chris Mushowe, owathi uMalema uyawumana nje kuphela.

Kodwa ibandla likaMalema lalo laphendula kwathi-ke ngoLwesithathu ibandla le South Africa ele Pan Africanist Congress (PAC) langenela lalo kuloludaba lathi uMalema uthunywe ngamazwe entshonalanga ukuthi akhulume okubi ngoMugabe.

Ukuhlaziya loludaba sixoxe lengcwethi ecubungula ezombusazwe, uMnu. Mlamuli Nkomo, lowake waba ngumeya wedolobho lakoBulwayo, uMnu. David Ndlovu, olilunga ledale leCentral Committee lebandla leZanu PF.

UNdlovu uthe, "Ukuthi umuntu sekhululile uyazizwela yedwa ukuthi sekhulile njalo lokuthi usekhule njani.”

UNkomo uphendule wathi amazwi akhulunywa nguMnu. Malema ngamazwi asekhulunywe ngabantu abanengi.

"Nxa sikhangela abantu abangaphandle kwelizwe siyakhumbula ukuthi uMongameli Ian Khama wele Botswana laye uke wakhuluma ukuthi uMongameli Mugabe sekhathele sokumele atshiyele omunye umbuso," kutsho uNkomo.

Facebook Forum

XS
SM
MD
LG