amalinks wokungena

Breaking News

Ukuqhatshwa Kuka Henrieta Rushwaya Sokudiliza iAffirmative Action Group


Inhlanganiso ekhangelane lohlelo lokuthuthukisa inotho kazulu ikakhulu abensundu, iAffirmative Action Group (AAG) isibhidlika ngenxa yokuqhatshwa kuka uNkosazana Henrieta Rushwaya ngusomabhizimusi uMnu. Phillip Chiywangwa omfake ku Executive khomithi ye AAG kungavunyelwananga leyinye inkokheli.

Ikhomithi ye AAG ekhokhelwa nguMnu. Supa Mandiwanzira ibikwa isihle yakhalala izikhundla ikhonona ngokuqhatshwa kuka Nkosazana Rushwaya, oxotshwe enhlanganisweni yenguqu eye Zimbabwe Football Association esetheswa icala lokwamukela ukufumabthiswa emalini yokuthengisa imidlalo yeqembu lenguqu lesizwe elamaWarriors edlalelwe eAsia.

UChiyangwa ubikwa efake uNkosikazi Rushwaya losomabhizimusi uNkosikazi Jennifer Mhlanga ku AAG ukwenzela ukulonda okuzaphekwa yi Zimbabwe Diamond Technology Center enike inhlanganiso le indawo yokuquma lokulolonga amadayimana.

Kukhanya njalo uChiyangwa ekhangele ukuthi sokuzaqaliswa ukuthathwa amankampani emazweni kuhlelo lwe Indigenization.

Asenelisanga ukukhuluma lo Mnu. Chiyangwa lo Nkosazana Rushwaya njalo labaqondisi be AAG balile ukhuluma le Studio 7.

Owake waba ngumqondisi we AAG uMnu. Matson Hlalo uthe isibhidlika inhlanganiso le ngenxa yabantu abafuna ukuphumelela bodwa

XS
SM
MD
LG