amalinks wokungena

Ukuqilibezela Kokudingwa Kwenkokheli yeNPP Kubangela Ukuphindwa Kokhetho

  • Chris Gande

Joice Mujuru

Ukhetho lokudinga inkokheli yebandla le National People’s Party lwenziwe ngempelasonto kodwa alusenelisanga ukuphuma lenkokheli ngoba kube lembiko yokuqilibezela njalo eyinye inkokheli ayifikisanga inani lamavoti elifunakalayo kuzigaba zonke zelizwe.

Ibandla leli lasungulwa ngemva kokuxotshwa kwenkokheli yebandla le Zanu PF ebalisa owayengumsekeli kamongameli, uNkosikazi Joice Mujuru laphiwa igama lokuthi Zimbabwe People First.

Kodwa kumaviki amathathu adluleyo eyinye inkokheli yalelibandla ebalisa abalisungulayo abathi uMnu. Rugare Gumbo loMnu. Didymus Mutasa baxexebuka bahamba legama lebandla.

Lelibandla lithi lizaphinda njalo ukhetho kuzigaba ezingenelisanga ukufikisa inani labantu abafunakalayo ukukhetha inkokheli kumelelwe ukuya emhlagnaweni we congress okhangelelwe ukwenziwa ngenyanga ezayo.

Sixoxe lesiphathamandla sebandla le NPP, uMnu. Max Mnkandla, ukuze sizwe okunengi ngaloludaba saqala ngokumbuza ukuthi kahle kahle kuyini okade kusenzakala?

"Eh, nge weekend kade kulokhetho," kutsho uMnkandla. "Lolukhetho kade lungolokukhetha itop six. Ngakho-ke bakhethiwa kade belama six provinces."

UMnkandla uthi lanxa kuhambe kahle ekhethweni lolu kulengxaki ezenzakeleyo ezigabeni ezithile ezikhombisa ukuba kungaba kulokuqilibezela okwenzakeleyo kukhetho lolu.

Facebook Forum

XS
SM
MD
LG