amalinks wokungena

Ukusebenzelana Kwamabandla Aphikisa Elibusayo Kuyala Isikhathi Sokhetho Sesisondela

  • Chris Gande

Inkokheli yamabandla aphikisayo.

Ukulobelana isivumelwano sokusebenzelana, iMemorandum of Understanding phakathi kwebandla le MDC-T lele Transform Zimbabwe, sokuvuselele njalo inkulumo phezu kodaba lokumanyana kwamabandla aphikisayo.

Ibandla le MDC-T selilobelane lesi sivumelwano lamabandla amanye amabili, ele MDC ekhokhelwa nguMnu. Welshman Ncube leNational People’s Party (NPP) ekhokhelwa nguNkosikazi Joice Mujuru.

Kodwa lokhe kungela kusebenzelana ngoba amabandla la awavumelani ukuthi ozakhokhela umanyano ngubani.

Ibandla le NPP lithi lifuna umongameli walo, uNkosikazi Mujuru, abe nguye ozakhokhela umanyano lo kodwa ele MDC-T lithi umkhokheli walo, uMnu. Morgan Tsvangira, nguye olosekelo ngalokho nguye omele akhokhele.

Sixoxe lengcwethi ecubungula ezombusazwe, uMnu. Zenzele Ndebele, louNkosazana Rita Ndlovu, unobhala jikelele webandla le MDC ekhokhelwa nguMnu. Welshman Ncube.

UNkosikazi Ndlovu uthi: "Ngilethemba lawe uyazi ukuthi lapho okukhulunyiswana khona kuyathatha isikhathi. Ungabona into ephangisa ukwenzakala vele kayisoze iye phambili."

UNdebele uthe kusobala ukuthi amabandla la angamanyana phambilini kokhetho oluzakwenziwe ngomnyaka ka2018, ibandla le Zanu PF linganqontshwa.

"Nxa sebefika okulezikhundla yikho okuzaxatshwana khona ... Abantu balokuzikhukhumeza, lokhu esingathi ngama ego ngeSilungu besithi vele nxa kungayisimi okhokhelayo akwenzakali."

Facebook Forum

XS
SM
MD
LG