amalinks wokungena

Breaking News

Ukusetshenziswa Kwabantwana Kubhahile Elizweni


Inhlanganiso ekhankasela ukwenqatshelwa kokuqatshwa kwabantwana ngaphandle komthetho, i-Coalition Against Child Labor in Zimbabwe ithi siphathise abantwana abangu-350 ukutshiya imisebenzi babuyela ezikolo esigabeni seChiredzi.

Umqondisi walinhlanganiso, uMnu Pascal Masocha uthi bathengela abantwana laba amayunifomu esikolo kanye lokunye abakufisayo ukwenzela ukuthi bathande imfundo.

Wengeze wathi bakhangelele ukuqhuba uhlelo lwabo lolu elizweni lonke jikelele kusikhatshana esilandelayo, okuzabangela ukuthi inkulungwane zabantwana zibuyele esikolo.

Ingcwethi kwezemithetho yezisebenzi uMnu Davies Ndumiso Sibanda utshele uGibbs Dube ukuthi banengi abantwana abahluphekayo abasebenzela ukuphilisa imuli zabo.

Ukusetshenziswa kwabantwana okungekho emthethweni kwenzakala lanxa kulemithetho elizweni ekuvimbayo efana leChildren’s Act leLabour Act.

IZimbabwe lilunga njalo lezivumelwano zomhlaba ezenqabela ukusetshenziswa kwabantwana ezifana leUN Convention on the Rights of the Child, iInternational Labor Organization Minimum Age Convention leWorst Forms of Child Labor.

Ukuhlaziya loludaba sixhume isiphathamandla seCoalition Against Child Labor in Zimbabwe uNkosikazi Nokuthula Hlabangana lesakhamuzi seJutjume, ePlumtree uMnu Difa Dube.

XS
SM
MD
LG