amalinks wokungena

Udubo Lokusilela Kwemali Emabhanga Selufike Kusibanga Esikude

  • Chris Gande

Abantu sebetshona emalayinini emabhanga bedinga imali.

Ukusilela kwemali emabhanga kuqhubekela phambili ingcwethi zisithi uzulu labosomabhizimusi sebelahle ithemba lokusebenzelana lamabhanga okwenza batshwathike imali phansi kwemiqhamelo.

Uzulu uselala phandle kwamabhanga emelele ukuthi nxa evulwa ahle enelise ukuthola imali.

Abanye ngabathi bafolela imali insuku ezimbalwa phandle kwamabhanga kodwa sonke isikhathi bathola imali engamatshe.

Ingcwethi ecubungula ezomnotho, uMnu. Rejoice Ngwenya uthi imali igcwele ebantwini, ikakhulu kubosiphatheleni.

Usomabhizimusi ohlala evakatshela kwele South Africa, uMnu. Anglistone Sibanda, uthi sokunzima kakhulu ukuthola imali lanxa umuntu efuna ukwenza ibhizimusi.

Omunye njalo usomabhizimusi, uMnu. Albert Mhlanga, uthi udubo lokusilela kwemali lwengezelelwa yimiholo ye bonus ephiwa izisebenzi zikahulumende.

Ukusilela kwemali emabhanga sokugoqela lemali yohlobo lwama bond notes ayecatshangelwa ukuthi azaphathisa kuloludubo.

Lokhu sokubangele lokuthi isisindo sama bond notes siqine lawo alingane ledola leMelika lona elikade selithengwa ngemali enenganyana kule bond.

Kambe kusiyaphela umnyaka lo kuzabe sokume njani emabhanga e\Zimbabwe?

Nanku isimo somanakalo wezenotho yelizwe lesombuzaswe lokhe kuqhubekela phambili kusiba kubi kubangwa ngamandla yimisebenzi yokungathembeki okuselizweni ikakhulu kuziphathamandla zikahulumende okwe corruption.

Facebook Forum

XS
SM
MD
LG