amalinks wokungena

Breaking News

Ukusilela Kwemali Sokubangela Ukuthi Abantu Babhadale Amalobolo Ngefoni


Imali yohlobo lwama bond notes .
Imali yohlobo lwama bond notes .

Umsekeli kasibalukhulu webhanga lesizwe, ele Reserve Bank of Zimbabwe (RBZ), uMnu. Khuphukile Mlambo, uthi uzulu labosomabhizimusi ngabe bayasa imali yabo emabhanga ngabe imali kayisileli elizweni.

UMlambo wethule umbono lo emhlanganweni uboqoqwe ngabesonto ye-Seventh-Day Adventist Church koBulawayo ngempelasonto.

Kodwa isiphathamndla senhlanganiso yezakhamizi eye Bulawayo Progressive Residents’ Association, uMnu. Ambrose Sibindi, uyalandula umbono lo esithi uhulumende useyehlulekile ukubusa ngemfanelo.

UMlambo uthi eyinye imbangela yokusungula ama bond notes yikuthi uzulu wayesisa idola leMelika kwamanye amazwe. Uthi imali engafika phose ibhiliyoni elilodwa isuswa elizweni okungekho emthethweni.

Emaphandleni ukusilela kwemali kuphambanisa impilo yezakhamizi. Omela iBinga South edale lephalamende, uMnu. Prince Dubeko Sibanda, uthi amalobolo lokangaziwe sokubhadalwa ngamafoni.

Ukusilela kwemali lokhu sokubangele ukuthi intengo yempahla ikhuphuke ezitolo.

Ukhansila wedolobho le Harare, uMnu. Peter Moyo, uthi impahla yokwakha isikhuphuke okwesabekayo ngenxa yokusilela kwemali emabhanga.

Ukonakala komnotho welizwe sokubangele ukuthi labezokholo, abafana le Seventh Day Adventist Church, baqoqe imbuthano ezama ukudinga isisombululo kudubo lolu.

please wait

No media source currently available

0:00 0:04:34 0:00

XS
SM
MD
LG