amalinks wokungena

Breaking News

Ukuswelakala Kwemali Kuyaqhubekela Phambili eZimbabwe


US Dollars
US Dollars

Usibalukhulu webhanga leReserve Bank uMnu. John Mangudya ubikwa esithi uhulumende ufake amadola ayi-US$150 million kumnotho welizwe ukwenzela ukuthi abantu bengasayithengi emkambo wensitha.

Ukuthengiselana kwemali yohlobo lwamadola eMelika emphakathini kuyaqhubeka kwelw Zimbabwe lanxa usibalukhulu webhanga leReserve uMnu. John Mangudya ebikwa esithi uhulumende ufake amadola azinkulungwane ezilikhulu lengxenye yawo i-US$150 million kumnotho welizwe, ukwenzela ukuthi abantu bengasayithengi emkambo wensitha.

Kodwa uMnu. Gilbert Thamsanqa Hadebe, ukhansila weDzivarasekwa eHarare, engowebandla leMDC-T uthi inyathelo leReserve Bank alisoze lisebenze.

Amazwi akhe asekelwa nguMnu. David Ndlovu wakoBulawayo, owebandla leZANU PF.

Ingcwethi ecubungula ezomnotho welizwe, uMnu. Bhekilizwe Ndlovu, uthi udaba lolu lungalungiswa ngokuqeda inkohlakalo kuhulumende.

Kodwa uMnu. Mangudya usola amabhanga, esithi yiwo agogodlela imali endaweni yokuthi ayinike abantu.

please wait

No media source currently available

0:00 0:04:09 0:00

XS
SM
MD
LG