Umnu. Tendai Biti umphathintambo wezemali uthi ele Zimbabwe selizaqalisa ukudinga imali yamatshe eyemazweni ehlukeneyo ukwenzela ukuthi kube lentshintshi nxa abantu bethenga kumbe bethengiselana impahla etshiyeneyo.
U Biti uthi abantu bathwele nzima ngokuswelakala kwentshintshi ngakho uhulumende usebone kungcono ukuthi aqalise ukudinga imali yamatshe eyama coins emazweni.
Ingcwethi ezicubungula ezenotho zithi kuzaba nzima ukubhadalela ukuthwala kwemali le yemazweni njalo ele Melika lilakho ukwala ukuthi iZimbabwe ithole imali yalo njengoba lisekela izijeziso zenotho ezifakelwe abanye abakhokheli bebandla le Zanu PF.
Umnu. Bekithemba Mhlanga ingcwethi ecubungula ezenotho utshele uGibbs Dube we Studio 7 ukuthi kuzabanzima njalo ukuthi ele Zimbabwe licele emazweni atshiyeneyo ukuthi likhande limali loba nje lilemitshina yokulungisa imali eyehlukeneyo.
