amalinks wokungena

Breaking News

Kuphathisa Ngani Ukutshengisela Kwabatsha beMDC-T?


Omunye walabo abafuna ukuthi iZimbabwe Electoral Commission iqhube umsebenzi wayo ngemfanelo ... Uthi kayivalwe iZEC.

Intsha yebandla le Movement for Democratic Change (MDC-T) ithi izaqhubeka itshengisela phezu kokungaguquki kwendlela ugatsha lwezokhetho, olwe Zimbabwe Electoral Commission (ZEC) olusebenza ngayo.

Kubikwa kubotshwe abatsha abahlanu ngoLwesithathu ngesikhathi betshengisela eHarare. Akwaziwa ukuthi bazasiwa emthethwandaba nini njalo lokuthi betheswa cala bani.

Kuthunqe intuthu ehitshayo kwatshaywa abanye ngamapholisa.

Lona ugatsha lwe ZEC luthi lulandela umthetho njalo alusoze lugule indlela olusebenza ngayo ngoba lulandela umthetho welizwe.

Ukutshengisela sekuyinhlalayenza elizweni

Ukuhlaziya loludaba sixoxe lelunga le Central Committee yebandla le Zanu PF, uMnu. Joseph Tshuma, endawonye lomsekeli wesikhulumeli sebandla le MDC-T, uNkosazana Thabitha Khumalo.

"Ontanga bethu kabaphathwanga kahle ngendlela abayibona ngayo esetshenziswa yiZEC ngoba ithi kumele babuye lamaphepha atshengisa ukuthi bahlala ngaphi," kutsho uMaKhumalo.

UTshuma yena uthi indaba yokubhalisa lapho umuntu ahlala khona kayintsha.

"Irpoblem yokutshengisela okwenziwa ngamajaha lawa yikuthi mhlawumbe bakhona abayabe befuna ukutshengisela ngokuthula kodwa bakhona abanye abayabe belenjongo yokubhidliza," kutsho uTshuma.

Facebook Forum

XS
SM
MD
LG