amalinks wokungena

Ukuxabana Emabandleni Ezombusazwe Kutshiya Uzulu Engaselathemba

  • Chris Gande

UNkosikazi Joice Mujuru

Lanxa ukudabuka phakathi kwamabandla ezombusazwe kungasiyonto entsha ukuphoselana aqatha okusebandleni le Zimbabwe People First osekusobola ukuthi kuzenzakala sekutshiye abanye bemangele.

NgoLwesithathu uNkosikazi Joice Mujuru utshele intathelizindaba ukuba usexotshe inkokheli yebandla ebalisa abalibumbayo, oMnu. Rugare Gumbo loDidymus Mutasa kunye labanye abathi, uMnu. Claudius Makova, uMnu. Luckson Kandemiiri, UNkosikazi Margaret Dongo loMnu. Mucho Mutezo.

Kodwa laba abaxotshiweyo bathe hatshi abangeke baxotshwa kodwa uMujuru nguye osexotshiwe ngoba esehluleka ukukhokhela ibandla, okungokunye okwakhulunywa nguMongameli Robert Mugabe owathi uMujuru wayesehluleka umsebenzi.

Lokhu sekukhombe mgceke ukuthi lelibandla selizakuba ngamacele amabili ngoba kungaseyikulungiseka ukuthi babuyelelane njalo.

Ibandla leZimPF elikhokhelwa nguNkosikazi Joice Mujuru belikhangelelwe ngabanye ukuthi lizathwalisa nzima ibandla le Zanu PF ngoba inkokheli yalo ivela kubandla leli.

Kodwa kathesi sekukhanya ukuba alisoze lithole usekelo oluya ngaphi. Sixoxe lengcwethi ecubungula ezombusazwe, uMnu. Mlamuli Nkomo endawonye lesiphathamandla sebandla le ZimPF, uMnu. Max Mkandla onguye osungula lingxoxo.

UMkandla uthi ukuxexebuka kwamabandla akusiyonto entsha.

"IZanu layo ixexebuka kuZapu kwakulesandla se CIA yasetshenziswa yakhupha abantu ukuthi istruggle sikhokhelwa yi Zapu okwakulibandla eliqinileyo," kutsho uMkandla.

UMnu. Nkomo yena uthi okwenzakelyo kuyadanisa ngoba kuswelakala okuthiwa ngesilungu ngama principles.

Kutsho uNkomo: "Inhlanganiso ezinengi kakhulu zihonza lowo okhokhelayo okokuthi mhla ethabile kuba kuhle kodwa nxa ezondile azihambi kahle."

Facebook Forum

XS
SM
MD
LG