amalinks wokungena

Breaking News

Kuyaxokozela eBeitbridge Border Post Ngezimota ZamaTrucks


Beitbridge Border Post

Abatshayela izimota ezinkulu phakathi kweSouth Africa leZimbabwe bakhala ngendwendwe emngceleni we Beitbridge Border Post abathi zibangelwa ngabeZIMRA abehluleka umsebenzi

Abatshayela imota ezinkulu ama trucks phakathi kommango weSouth Africa le Zimbabwe bathi kulengxabangxoza emngceleni we Beitbridge Border Post ngenxa yendwendwe zalezimota, njalo ugatsha kukahulumende olwe Zimbabwe Revenue Authority (ZIMRA) luyehluleka ukuqhuba kuhle umsebenzi walo.

I-ZIMRA ayikaniki impendulo kuloludaba.

Ezinye imota zibikwa zilokhu zifole ngoLwesihlanu olwedluleyo kulindawo, osokubangele ukuthi kube lendwendwe ezinde kakhulu ezemota ezivela kwele South Africa zingena kweleZimbabwe.

Omunye umnini wenkampani yezimota ezinkulu ugcizelele lesisehlakalo kuStudio 7 esithi laye ulokhu ephakathi kwemizamo yokwedlulisa imota zakhe.

Kolunye udaba, ukhansila Mlandu Ncube ka Ward 1 enkabeni yedolobho lakoBulawayo utshele uSithandekile Mhlanga weStudio 7 ukuthi ukususwa kwamabhasi athwala abantu esuka phakathi kwedolobho lakoBulawayo esiya kwele South Africa okuhlelwa yikhansili yakhe kulinyathelo elihle ngoba kuzaqeda ingxabangxoza ephakathi kwedolobho.

please wait

No media source currently available

0:00 0:01:40 0:00
Lapho esitholakala khona

XS
SM
MD
LG