WASHINGTON —
Kubikwa kuqhamuke ukulwisana emahofisini ecele le MDC elikhokhelwa nguMnu. Morgan Tsvangirai esigabeni se Manicaland ngoLwesihlanu lapho amalunga alelibandla abegqiba amalungiselelo ama primary elections awokudinga abazancintisa kukhetho oluzayo elizweni lokudinga amalunga edale le phalamende, eleHouse of Assembly, ele Senate, kanye lamakhansila.
Umsekeli wesikhulumi salelibandla uMnu. Joel Gabhuza utshele iStudio 7 ukuthi ibandla lakhe lizaqhuba ukhetho lwamaprimary elections ezigabeni zonke zelizwe kusukela ngoMgqibelo, njalo konke ukulwisana obekukhona sokuphelile.
Ibandla le ZANU PF lon lithi lizakwazisa ukuthi lizaqhuba nini uhlelo olufanayo kunsukwana ezilandelayo.
Icele leMDC elikhokelwa nguMnu. Welshman Ncube lona lithi kufanele izigaba zonke zizikhethele abazancintisa, njalo ukhetho lwamaPrimary Elections luzaqhutshwa lapho okungasoze kuvunyelwane khona kuphela.
Kusenjalo, uMnu. Albert Mhlanga, isiphathamandla se MDC-T koBulawayo uthi amaprimary elections kulelidolobho azaqhutshwa ngeSonto.
UMhlanga utshele uSithandekile Mhlanga weStudio 7 ukuthi iziphathamandla ezine zalelibandla koBulawayo ezingasoze zincintise ngoba sezivele zakhethwa ngoMnu. Gorden Moyo eMakokoba, Thamsanqa Mahlangu eNkulumane, Eddie Cross eBulawayo South, kanye loNkosazana Thabitha Khumalo eBulawayo East.
Umsekeli wesikhulumi salelibandla uMnu. Joel Gabhuza utshele iStudio 7 ukuthi ibandla lakhe lizaqhuba ukhetho lwamaprimary elections ezigabeni zonke zelizwe kusukela ngoMgqibelo, njalo konke ukulwisana obekukhona sokuphelile.
Ibandla le ZANU PF lon lithi lizakwazisa ukuthi lizaqhuba nini uhlelo olufanayo kunsukwana ezilandelayo.
Icele leMDC elikhokelwa nguMnu. Welshman Ncube lona lithi kufanele izigaba zonke zizikhethele abazancintisa, njalo ukhetho lwamaPrimary Elections luzaqhutshwa lapho okungasoze kuvunyelwane khona kuphela.
Kusenjalo, uMnu. Albert Mhlanga, isiphathamandla se MDC-T koBulawayo uthi amaprimary elections kulelidolobho azaqhutshwa ngeSonto.
UMhlanga utshele uSithandekile Mhlanga weStudio 7 ukuthi iziphathamandla ezine zalelibandla koBulawayo ezingasoze zincintise ngoba sezivele zakhethwa ngoMnu. Gorden Moyo eMakokoba, Thamsanqa Mahlangu eNkulumane, Eddie Cross eBulawayo South, kanye loNkosazana Thabitha Khumalo eBulawayo East.
