Uhulumende wethule umthetho ngeviki edluleyo ophoqa amabhanga ukuthi ahlawule uzulu ogcine imali kuwo inzuzo, kumbe i-interest ngesiNgisi.
Ama-Savings accounts asezathola inzuzo esukela ku5 percent ngomnyaka ngemali yeZimbabwe kuthi labo abalama-Fixed term deposits sebezathola inzuzo esukela ku10 percent.
Le yindlela yokuhuga abantu ukuthi bagcile imali emabhanga hatshi ezindlini njengalokhu okwenzakalayo.
Kodwa umbuzo omkhulu ngothi abantu bazahugeka na ikakhulu nxa sikhangela osokuke kwenzakala lapho abantu abalahlekela khona yizimali ngemva kokuba uhulumende eguqule imithetho ephathelane ledola leZimbabwe?
Ingcwethi kwezenotho uMnu Reggie Shoko utshele iStudio 7 ukuthi lanxa leli kulinyathelo elihle ebantwini elalimele lenziwe ntolontolo, lizalimaza amankampani aboleka izimali emabhanga.
