Loba nje iqembu lenguqu ele Brazil limangalise uzulu lamazwe atshiyeneyo ukuthi liyezilolonga okwensukwana lise Zimbabwe limelele umncintiswano we 2010 FIFA World Cup, abacubungula ezenotho lezombusazwe bathi lokhu akusoze kuthuthukise inotho yelizwe kumbe kulethe abantu abanengi bemazweni abathanda ukwethekelela indawo zemvelo ezinhle elizweni.
Ilizwe leZimbabwe likhangelelwe ukuthi lisebenzise phose izigidi ezimbili zamadola eMelika ukubhadala okutshiyeneyo kweqembu leli. Amankampani anjenge Zimbabwe Platinum (Pvt) Limited, Commercial Bank of Zimbabwe le NetOne abikwa ezimisele ukuncedisa uhulumende ekubhadaleni imali le.
Umnu. Rejoice Ngwenya ingcwethi ecubungula ezenotho loMnu. Sabelo Ndlovu-Gatsheni ingcwethi ecubungula ezombusazwe bahlaziye loludaba lo Gibbs Dube we Studio 7.
'Ukwethekelela kweqembu Lenguqu leBrazil Akusoze Kuguqule Lutho Kwezenotho eZimbabwe'
- Gibbs Dube
