Umculi uLaine Hardy owedolobheni leLouisiana khonapha eMelika nguye onqobileyo kumncintiswano lapho okukhethwa olephimbo elimnandi okwedlula elabanye oweAmerican Idol ngeSonto ebusuku.
Uncinte abanye bakhe abakade besele kulumncintiswano, ababalisa u Alejandro Aranda lo Madison VanDenburg, abangene kusigaba sesibili lesesithathu.
Abaqoqi balumdlalo bathi ngokwakuqala ukuthi kukhutshwe nge elimination oyedwa oncintisayo olokhu engelamavoti amanengi avela kwababukeleyo, kuhlatshelwe njalo kukhethwe onqobileyo ngasikhathi sinye.
Abehlulele kuloluhlelo ama judges, ngabaculi uKaty Perry, uLuke Bryan kanye loLionel Richie njalo omemezeleyo nguRyan Seacrest.
ULionel Richie uqale wahlabela eyakhe ingoma eyake yadla ubhedu, u”Dancing on the Ceiling” andubana abancintisayo labo bacula ezabahlabeleli abaziwayo.
Abanye abahlabeleli abaxhase lumncintiswano ngokucula ezabo ingoma ngo Adam Lambert, Carrie Underwood, Dan Shay, Jon Pardi, Kane Brown, Kool & the Gang, Montell Jordan, Shayy, lo Weezer, kanye lo Daddy Yankee ocule njalo wagida lo Katy Perry,
Ngemva kokunqoba, uLaine Hardy, oleminyaka elitshumi lasitshiyagalombili-18, ulakho ukuthola usizo kungcwethi kwezomculo ukuthi abengumhlabeleli opheleleyo, njalo ecule labanye abahlabeleli kuHollywood Channel lezinye indawo.
URyan Seacrest umemezele ukuthi uLaine Hardy nguye oseyi American Idol yalonyaka kanye lomvuzo wakhe.
Abanye asebengabahlabeleli abalodumo abanqoba kulumcintiswano babalisa u Fantasia, Jordin Sparks, Kelly Clarkson, Ruben Studdard, Carrie Underwood, Scotty McCreery, labanye.