Intathelizindaba elodumo uHopewell Chin’ono ubotshiwe njalo ngoLwesibili esetheswa umlandu wokwephula iziqondiso zokuphiwa kwakhe imvumo yokuhlawulela isibambiso seBail kucala alibotshelwe ngoNtulikazi lonyaka ukuze athonisiswe esuka emzini wakhe.
UHopewell ukhanglelelwe ukumiswa phambi komthethwandaba esetheswa icala elehlukile kulalelo alibhadalele isibambiso seBail.
UHopewell uke wavalelwa okwenyange ezithile esetheswa icala lokutshotshozela udlakela ngokukhuthaza abantu ukuthi baphatheke ekutshengiseleni okwakuhlelwe ukwenziwa ekupheleni kukaNtulikazi kokusola inkohlakalo elizweni. Ubotshwe ngoLwesibili ntambama walala esesemkambeni yamapholisa eye Harare Central.
Isikhulumeli samapholisa uAssistant Commissioner Paul Nyathi, wethule umbiko izolo ntambama egcizelela ngokubotshwa lokhu kukaChin’ono esithi ubotshelwe icala lokweyisa umthethwandaba ngakuloba enkundleni yokuxhumana yebulenjini eyeTwitter.