amalinks wokungena

Breaking News

UMacheso Uhlawuliswa $1,030 Yesondlo


Alick Macheso
Umantshi weHarare usenqume ukuba umhlabeleli olodumo, ocula iSungura, uAlick Macheso kuzamele ahlawule umkakhe wesibili asehlukana laye uFortunate Mapako amadola edlula kancane inkulungwane eyodwa -$1030 ngenyanga eyokondla abantwababo ababili laye uMapako.

UMapako ubefuna ukuthi umthethwandaba unqume ukuthi aphiwe inkulungwane eziyisikhombisa zamadollar, $7 000 ngenyanga kodwa umantshi uthe yena uzaphiwa amadola angamakhulu amabili lamatshumi ayithoba minwe mibili, i$280 abantwana bobabili bethole amadola angamakhulu ayisikhombisa lamatshumi amahlanu-$750.

Umantshi uphinde wathi kumele abantwababo bayehlolisiswa zingcitshi ukuba ngabakaMacheso na njengoba yena ephika ukuthi ngabakhe.
XS
SM
MD
LG