amalinks wokungena

Breaking News

Made: Umumo Wendlala Elizweni Kawumubi Kangako


Umpathintambo wezokulima umnumzana Joseph Made

Umphathintambo wezokulima, uMnu. Joseph Made uthi umumo wendlala okhona elizweni wokungani kuhle kwezulu kawukhombi ukuthi uhulumende enganquma ukuba ilizwe likusimo sengozi yendlala.

Uhulumende lenhlanganiso eziphathisa ngokudla zithi ukungananga kuhle kwezulu kuzabangela ukuthi ilizwe lithole isivuno esiphansi kakhulu kulaleso ebe sikhangelelwe. Ilizwe belikhangelele ukuthola isivuno samabele angaba yisigidi phose lengxenye, 1.4 million tonnes lonyaka.

Wethule lumbiko wakhe ngoLwesine edale lephalamende ephendula umbuzo kaMnu. Prosper Mutseyami owebandla leMDC-T ommela isigaba seMusikavanhu kuleli dale.

Sikhluma nje ezigabeni ezibalisa iMidlands, Matabeleland, Masvingo kunye leManicaland imhuli ezinengi zibikwa sezilala ngendlala ngoba eziphaleni kungasela lutho.

Ngomnyaka ka 2000 uMade wake wabhoda ilizwe ephakathi kwendizamtshina esazisa uzulu ukuthi ilizwe lizaba lenala kodwa kwaba lendlala embi kakhulu ngalowomnyaka.

UChris Gande weStudio 7 uxoxe lommeli weBulawayo Central edale lephalamende, uNkosazana Dorcas Sibanda engowebandla leMDC-T ngaloludaba.

XS
SM
MD
LG