amalinks wokungena

Breaking News

UMadinda Ndlovu Ukhala Ngabagadli Ababona Ntuthu Phambi Kwabonozinti


Madinda Ndlovu

Umqeqetshi weqembu lomdlalo wenguqu ele Highlanders uMadinda Ndlovu uthi iqembu lakhe kumele lifunde ukugadla masinya lingaba phambi kwentuba ukuze linqobe kumidlalo yalo kusigaba se Castle Premier Soccer League.

Iqembu le Highlanders liyale lisendaweni yesithathu engalaneni yemiklomelo loba nje libe ngutshiki lobhanqa 1 ka 1 lele Chapungu ngeSonto emdlalweni obusenkundleni ye Barbourfields.

Limpumela itshiye iqembu le Bosso lilemiklomelo engamatshumi amabili lesithupha njalo litshiywa ngemiklomelo elitshumi lambili liqembu elihlezi phezu kwengalane ele Ngezi Platinum lona elitshaye ele Harare City nge 3 ka 1 ngoMgqibelo.

Umqeqetshi weqembu le Highlanders uMadinda Ndlovu uthi abafana bakhe badlale kuhle leqembu le Chapungu kodwa inking yabo yikuba abakho bukhali phambi kwegedi.

“Sizamile ukuzibazela amathuba okuhlohla kodwa inkinga yikuba abagadli bethu bathatha isikhathi eside belokhu bepaselana ibhola loba sebeseduze lesango okuyinto okumele siyilungisise.”

Phezu kwengalane iqembu le Ngezi lilemiklomelo egamatshumi amathathu lathoba minwe mbili kuthi endaweni yesibili kutholakala iqembu le FC Platinum lona elilemiklomelo engamatshumi amathathu lanhlanu.

Lesisimo sesidale ukuba abanye abalandeli bomdlalo wenguqu bethi umbango wokuphakamisa isicoco salonyaka uphakathi kwamaqembu lawa womabili kusithi amanye azalwela ukuqeda imidlalo esendaweni yesithathu.

Ngaphansi kwengalane kuleqembu le Mutare City lona elitshaywe nge 2 ka 1 ngele Triangle njalo lilemiklomelo eyithoba minwe mbili kuthi endaweni yesibili kuleqembu le Bulawayo City lona elinqotshwe nge 1 ka nya ngele ZPC Kariba njalo lilemiklomelo elitshumi.

Kundawo yesithathu nxa usuka ngaphansi kwengalane kuleqembu le Shabanie Mine lona elilemiklomelo elitshumi lambili njalo elitshaye ele Bulawayo Chiefs nge 2 ka 1 ngempelaviki edluleyo kusithi lona ele Chiefs yilo elihlezi endaweni yesine nxa usuka emsileni lalo lilemiklomelo elitshumi lambili.

Udaba Esilethulelwe NguJoseph Njanji
please wait

No media source currently available

0:00 0:01:47 0:00

Facebook Forum

XS
SM
MD
LG