amalinks wokungena

Breaking News

UMadzore Ubotshelwa Ukuthuka UMugabe


MDC youth leader Solomon Madzore
MDC youth leader Solomon Madzore

UMnu. Madzore wetheswa icala lokuthethisa umongameli Mugabe embuthanweni wabasekeli bebandla leMDC-T eMbire esigabeni se Mashonaland Central

Amapholisa eHarare ngolweSine abophe uMnu. Solomon Madzore umgcinisihlalo wogatsha lwabatsha kucele le MDC elikhokhelwa nguMnu. Morgan Tsvangirai esetheswa icala lokuthuka uMongameli Robert Mugabe.

UMnu. Charles Kwaramba, igqwetha elimela uMadzore utshele iStudio 7 ukuthi uMadzore usesitokisini seBindura lapho alokhu ebuzisiswa ngecala aletheswayo.

UMnu. Promise Mkhwananzi, isiphathamandla sogatsha lwabatsha kulelibandla utshele uSithandekile Mhlanga weStudio 7 ukuthi amapholisa ethesa uMadzore icala lokuthethisa uMongameli Robert Mugabe ngesikhathi ekhuluma embuthanweni wabasekeli bebandla lakhe eMbire esigabeni se Mashonaland Central.

please wait

No media source currently available

0:00 0:01:45 0:00
Lapho esitholakala khona

Kolunye udaba, inhlanganiso elwela amalungelo ababalisi eye Progressive Teachers Union of Zimbabwe (PTUZ) yethule umbiko isola kakhulu amapholisa ngokutshaya kakubi abantu bezithokozisa e Mapanzure Business Centre eMasvingo ngolweSithathu.

I-PTUZ ithi kusobala ukuthi amapholisa abethukuthele ngoba bekulomhlangano webandla le ZANU PF eduzane njalo inengi labantu aliyanga kuwo.

Omunye wababalisi laba, uMnu. Hardlife Janyure utshele iStudio 7 ukuthi kulababalisi abalitshumi abalimeleyo kulingxabangxoza, bezibukelele umabonakude e-Olando Nite Inn kulindawo. IStudio 7 ayenelisanga ukukhuluma lamapholisa ngaloludaba.
XS
SM
MD
LG