amalinks wokungena

Breaking News

UMaKhupe Ucela Inkantolo Ukuthi Ivimbe uMwonzora Engamxotshi kuMDC-T


MDC T - Interim President Thokozani Khupe and Secretary General Douglas Mwonzora

UNkosazana Thokozani Khupe usekhweze amaphepha emthethwandaba weHigh Court ewucela ukuthi uvimbe imizamo yokumxotsha ephalamende lakubandla leMDC-T, khona athi kuqoqwa ngumkhokheli walelibandla uMnu Douglas Mwonzora.

UMaKhupe umangale udaba lolu enkantolo izolo ebambisane labasekeli bakhe ababili, uMnu Josia Makombe ongumeya weGweru loMnu Lovemore Maiko, ongumeya weChitungwiza.

UMaKhupe lababili laba bathi balobufakazi bokuthi uMwonzora ufuna ukubaxotsha kuMDC-T kulandela umhlangano weNational Council yalelibandla oqhutshwe ngenyanga edluleyo lapho uMaKhupe athi kwaba lokufuthelana abasekeli bakaMwonzora bemethesa icala lokusekela iZanu PF kwathi abanye abasekeli bakhe betheswa umlandu wokusekela umkhokheli weMDC Alliance uMnu Nelson Chamisa.

UNkosazana Khupe uthi konke lokhu ngamanga njalo uthi umthethendaba kumele uvimbe okuzanywa nguMwonzora.

Ngesikhathi esakhokhela iMDC-T uMaKhupe wenza okufanayo waxotshisa amalunga eMDC Alliance amanengi ephalamende lakumakhansili.

Umcebisi kaMaKhupe uMnu Ntando Ndlovu utshele iStudio 7 ukuthi abasoze bavumele uMwonzora ehlukuluza umamangala labasekeli bakhe.

Isikhulumeli seMDC-T uMnu Witness Dube ubengabambeki ecingweni. Kodwa useke watshela lumsakazo ukuthi ibandla lakhe lilelungelo lokuxotsha labo abayabe bengasenzi intando yalo.

please wait

No media source currently available

0:00 0:03:44 0:00

Facebook Forum

XS
SM
MD
LG