WASHINGTON DC —
Owayengumkhokheli webandla leMDC-T, uNkosazana Thokozani Khupe ulokhu ephethwe ngumkhuhlane weCovid 19.
UMaKhupe ubikwa ethole umkhuhlane lo emhlanganweni wokukhetha umkhokheli webandla lakhe omutsha owe-extra-ordinary congress oqhutshelwe eHarare ekupheleni kwenyanga edluleyo.
UMaKhupe wazise uzulu ngokuhlaselwa kwakhe ngumkhuhlane lo ngeviki edlulayo wacela imithandazo.
Kuminyaka embalwa edluleyo usinde kumvukuzane yebele, i-breast cancer.
Isiphathamandla seMDC-T, uMnu Den Moyo utshele iStudio 7 ukuthi udaba lukaMaKhupe lokuphikisa impumela yeCongress yakhe, lapho anqotshwa khona nguMnu Douglas Mwonzora uzalubona engaphola.
