amalinks wokungena

Breaking News

Umanyano we People's Rainbow Coalition Okhokhelwa ngu Joice Mujuru Wethula Imanifesto


UNkosikazi Joice Mujuru.

Umanyano we People’s Rainbow Coalition usuwethule ugwalo lwezithembiso zokhetho, iManifesto, ethi lumanyano unganqoba uzakwenza impilo kazulu ithuthuke. Lelibandla lethule imanifesto le esigabeni se Manicland lapho okubelenkulungwane zabantu.

Umqondisi wenhlelo zebandla le National People’s Party, uMnu. Sengezo Tshabangu, njalo engumsekeli kamqondisi wenhlelo zomanyano we PRC usethulele imininingwane yalolugwalo.

“Imanifesto le ilotshwe ngolimi olulula kakhulu, njalo ilezithembiso, hatshi izithembiso ezingeke zenzakala. Njalo ilezithembiso ezinye esezenzakala ngani ngoba ibandla elibusayo lathatha konke okwakukhulunywa yi opposition,” kutsho uTshabangu.

Uthi okokuqala yikuthi kuzakuba lemfundo engela mbadalo. Okwesibili uthi abantu baqhubeka benatha amanzi angcolileyo, bona bengangena embusweni bazatholisa uzulu amanzi ahlanzekileyo.

“Singangena embusweni thina sizakulungisa ngoba silamanzi avela eZambezi. Iproject leyi ye Zambezi Water Project kayivulwe isebenze,” kutsho uTshabangu.

Uthi kwezempilakahle abantu belokhu behamba umgango omude kodwa bona bazkwakha izibhendela elizweni lonke.

please wait

No media source currently available

0:00 0:04:48 0:00

Facebook Forum

XS
SM
MD
LG